औषधि गर्न आएकी महिला ७ लाख रुपैयाँसहित बेपत्ता

बाँके, असार २६ – लाखौं रुपैयाँ र सुनका गहनासहित औषधि गर्न दैलेखबाट नेपालगञ्ज आएकी एक महिला बेपत्ता भएकी छन् ।
दैलेख बेल्पाटा ५ चुप्राकी २३ वर्षीया खुमा खत्री(तिमिल्सेना) सम्पर्कविहीन भएकी हुन् ।
माइतीघर बाँकेको राधापुर ६ बाट औषधि गर्न नेपालगन्ज आएकी खत्री हराएको परिवारले जनाएको छ ।

हराएकी श्रीमतीको खोजीका लागि पति यज्ञबहादुर तिमिल्सेनाले जिल्ला प्रहरी कार्यालय बाँकेमा निवेदन दिनुभएको छ । निवेदनमा  खुमासँग सात लाख रुपैयाँ नगद र सुनका गरगहना भएको उल्लेख गरिएको छ ।
यसैगरी खुमाका दाजु देवबहादुर खत्रीले पनि बहिनीलाई खोजतलास गर्न प्रहरीलाई अनुरोध गर्नुभएको छ ।

 जिल्ला प्रहरी कार्यालय बाँकेका एसपी शेखर कोइरालाले खुमाको खोजी कार्यलाई तदारुकताका साथ अघि बढाइएको जानकारी दिनुभयो ।
प्रहरीले खत्री हराएको निवेदन पर्नासाथ खोज तलाससँगै अनुसन्धान कार्यलाई पनि अघि बढाइएको जनाएको छ । source : ujyaloonline