आफ्नो लोग्नेसँग सल्किएको भन्दै परस्त्रीका वक्षस्थल कैँचीले चट्

महिलाले अरु सबै बेहोर्न सक्छन् तर सौता बेहोर्न सक्दैनन् भन्ने उखानै छ । आफ्नो लोग्नेको माया तथा अधिकार दुबै चोर्ने परस्त्रीप्रति कुन चाहीँ महिला आगो नहोलान् र ? चीनमा एक महिलाले यस्तै रौद्ररुप देखाउँदा एक युवतीका वक्षस्थल काटिएका छन् र अनाहकमा आफ्नो वक्षस्थल गुमाउनुपरेको छ । समाचार अनुसार चीनको दक्षिण पूर्वी गुआङडोङ प्रान्तस्थित हेशानकी २७ वषर्ीया जियाओ लिनका वक्षस्थल एक महिलाले कैँचीले काटिदिएकी छिन् । घरमा टेलिभिजन हेरिरहेको बेला कसैले ढोका ढक्ढकाएपछि उनी ढोका खोल्न गइन् । ढोका खोल्ने बित्तिकै कसैले उनलाई लात्ताले हान्यो र भुइँमा ढलायो । उनको टाउको झोलाले थिँचेर उनलाई नांगै बनायो र बाँध्यो ।

 अनि कैँचीले उनका वक्षस्थल काटिदियो । यस्तो विभत्स आक्रमणपछि इन्तु र चिन्तु भएकी जियाओ बल्लतल्ल ती आक्रमणकारीको मुखको नकाब फुकाल्न सफल भइन् । त्यसपछि पो उनलाई थाहा भयो आफुलाई आक्रमण गर्ने त कुनै बलात्कारी नभएर आफुले केही समयअघि एक काराखानामा सँगै काम गरेकी मेंग साओ नामकी महिला पो रहेछिन् । प्रहरीले मेंग नामकी महिलालाई पक्राउ गरेपछि थाहा भयो उनले आफ्नो लोग्ने मेंग पान ती युवती जियाओसँग सल्किएको शंका गरेर त्यस्तो आक्रमण गरेकी रहेछिन् । तर आक्रमणकारी महिलाका लोग्नेले भने जियाओसँग आफ्नो कुनै अवैध सम्बन्ध नभएको बताएकी छिन् । लोग्नेले घरमा पटक पटक जियाओ निकै राम्री भएको बताउने गरेका र पछिल्लो समयमा आफुसँग डिभोर्स समेत मागेको कारण पक्कैपनि तिनै युवतीसँग लोग्ने पल्किएको ठहर मेंगले गरेकी रहेछिन् । अनाहकमा आक्रमण बेहोरेकी जियाओ लिनको अहिले गम्भीर अवस्थामा अस्पतालमा उपचार भैरहेको छ । उनको वक्षस्थल कैँचीले नराम्रोसँग काटिएको र अब जोड्न नसकिने अवस्था रहेको डाक्टरहरुले बताएका छन् ।