मरेकी हजुरआमाले आफ्नै तस्विर पठाएपछि (तस्विर सहित)

रोमानियाकी एक महिलाले आफ्नी मरेकी हजुर आमाले फोनमा सेल्फी अर्थात आफैले खिचेको तस्विर पठाएको दावी गरेकी छिन् । ती महिलाको दावी पछि दक्षिणी रोमानियामा एक गिर्जाघरको बाहिर पट्टी यस बारे जानकारी लिन चाहने मानिसहरुको भिड नै लागेको छ । डेली मेलका अनुसार गीना मिहाइ नामकी ती महिलाले आफूले फोन स्वीच अन गर्दा हजुर आमाको तस्विर फोनमा देखिएको दावी गरेकी हुन् ।

तस्विरमा हजुर आमाको घाँटीमा सर्पले बेरेको जस्तो र कुनै ठूलो सुरुङभित्र बसेर खिचेको जस्तो देखिएको उनले बताइन् । आफूलाई एक ज्योतिषले हजुरआमालाई अर्को लोकमा सजायँ दिइरहेको बताएको र अहिले तस्विर पठाएर हजुर आमाले सहयोग मागेको उनको भनाइ छ । अहिले मिहाइले गिर्जाघरमा प्रार्थना गरिरहेकी छिन् ।